Abhi Na Kuch Bhi Tum Bolo,Abhi Khaamosh Rehna Hai
Boht Main Zabt Kr Betha Abhi Kuch Mujh Ko Kehna Hai
Chupaye Kab Se Phirta Hun Main Apna Karb Seenay Me
Abhi Is Karb Ko Janaan Meri Aankhon Se Behna Hai
Najanay Kaun Deta Hai Sada Ye Dil Ke Andar Se
Tera Dukh Hai Faqat Tera,Isay Khud Tum Ne Sehna Hai
Saja Lay Apnay Honton Pr Tuu Zewar Muskurahat Ka
Boht Mehngay Zamanay Me, Boht Sasta Ye Gehna Hai
Bana Kr Khoon Ko Paani Isay Main Ne Khareeda Tha
Boht Anmol Hai Yaaro Jo Khirqa Main Ne Pehna Hai
No comments:
Post a Comment