Us Ko Dekha Tha Ik Nazar Yaro

Us Ko Dekha Tha Ik Nazar Yaro
Tab Se Apni Naheen Khabar Yaro

Aayina Dil Ka Saaf Kr Dalo
Shoq Hai Deed Ka Agar Yaro

Gahay Gahay To Aa He Jaye Ga
Mujh Ko Jeenay Ka Kuch Hunar Yaro

Jab Ke Waada Tha Jaan Denay Ka
Phir Krun Kiun Agar Magar Yaro

Hasraten Laakh Is Me Hain Madfan
Dil Hai Goya Koi Qabar Yaaro

Shumar Zakhmon Ka Aj Krtay Waqt
Yaad Aaye Wo Kis Qadar Yaaro

Chhoona Chaha Tha Chaand Ko Ik Shab
Phir Na Aaya Wo Baam Par Yaro

Hanstay Hanstay Jo Aankh Bhar Aayi
Yaad-e-Maazi Ka Hai Asar Yar